Pourtissoun
Cyber agenda en PHP
emé l'amablo autourisacioun de l'autour : Christian Herbé
Vèire
un eisèmple d'utilisacioun souto fourmo de planejamen
Lis avantage de AGENDA.PHP :
- Es liéure d'en plen (gramaci de manda un imèu à l'autour en cas que l'istalés)
- I'A RÈN DE COUNFIGURA ( mai rèn vous empacho
de l'asata segound ço que vous fai mestié )
- Agenda.php emplego ges de baso de dounado; escriéu vòsti rendès-vous dins
un fichié ASCII (agenda.txt)
- basto de depausa la distribucioun di fichié sus un servidou ouèbe
capable d'eisecuta de PHP (escasènço mai proubablo)
- lou calendié es couloura segound li jour (óubra, chauma e coulènt)
- Endico lou n° de semano
- Agenda.php avisto li jour coulènt dóu calendié civil
en usage encò nostre, e meme li fèsto de dato mouvedisso pèr
la pountannado 1970 à 2035 (celulo greso emé infò-boufigo)
- Agenda.php destousco peréu li jour coulènt d'Alsaço
e de Mousello
- Aficho li rendès-vous dins li celulo courrespoundènto e permet
mant un enregistramen pèr jour
Li coustrencho de AGENDA.PHP
Uno souleto : li dato dèvon èstre
intrado souto la fourmo : J-M-AAAA eisèmple : 2-4-2003
pèr lou 2 d'abriéu de 2003 o 31-12-2003 pèr lou
31 de desèmbre de 2003
Apoundre o supremi d'evenimen es la buteto :
Agenda.php es utile en particulié i group de travai sus mai d'un site o
que barrulon ( travaiaire à l'oustau, coumerciau, respounsable
d'assouciacioun, elegi ...). Mant uno persouno lou podon metre à
jour caduno de soun coustat.
Coumençaire en PHP, aquel escri s'encrèi pas un eisèmple
de prougramacioun. Sa toco simplo es de tapa uno manco. Emai eisistigon forço
eisèmple à pousito sus la OUÈBE, degun couvenié vertadieramen
à l'autour, es acò que se boutè au tai pèr coumpli
`quéu pres-fa.
Vous lou poudès aprivada sènso ges de coustrencho.
ISTALACIOUN
Depausas simplamen li fichié agenda.php ; apound_sup.php
; enseri.php ; agenda. txt e coulent.txt
dins un doursié de voste servidou OUÈBE (Eisèmple dins
un doursié "agenda" plaça à http:// mounsite.free.it/agenda/).
Em'acò, pas mai !
Vous rèsto plus qu'à pica, dins voste navegadou Ouèbe
l'adrèisso http:// mounsite.free.it/agenda/apound_sup.php pèr
coumença d'utilisa eisadamen voste agenda en ligno. Vous counseie
pamens de proutegi voste doursié pèr htaccess
pèr evita que qu que siegue lou posque veni vesita...
Telecarga l'ensèn di fichié