LOU GRIHOUN
Cri-cri, cri-cri,
fai lou Grihoun
Aqui dessouto
Dins uno mouto ;
Cri-cri, cri-cri, fai lou Grihoun,
Dins la mato de bregaloun.
Sus lou lindau de sa cabano,
Ounte jamai s'es atuba calèu,
Pichot Grihet friso si bano,
Lou vèntre au fres e l'esquino au soulèu,
Dóu negrun de sa cauno sourno,
Es remounta sus lou cop de miejour ;
Es remounta de sa cafourno
E pren sa part di joio dóu plen jour.
Vaqui perqué sa grosso tèsto
Banejo tant. Grihet, tout esmóugu,
Pèr celebra la grando fèsto,
Em'un vióuloun sus sa porto es vengu.
|
Qu'es bèu
lou soulèu que dardaio,
Se dis : qu'es bon lou rai de sa calour,
Rai que m'arrivo entre li paio
Dóu bregaloun tout azuren de flour !
O bèu soulèu, tu siés la vido
De tout : tavan, luseto et mousquihoun !
Escouto un pau, glòri esplendido,
En toun ounour l'èr d'un paure Grihoun.
Cri-cri, cri-cri, fai lou Grihoun
Aqui dessouto
Dins uno mouto ;
Cri-cri, cri-cri, fai lou Grihoun
Dins la mato de bregaloun.
Joan Enric Fabre
Arrenjaments ortografics dau Caramentrant
|