En me recampant au mieu, après la manifestacion, meteguère "France Info". Ère segur que ne'n paralarián. Pecaire, pas manca un mot... Au còntra, chasque quart d'ora, fasián lo rendut-còmpte d'una autra manifestacion en Anglatèrra ont i aviá agut d'embròlhs dei grèus. Ne'n faretz d'espervautrei vòsta opinion sus lo biais de menar d'acions segon que volèm o non se faire de reclama (.......) galeje... ;-) Coma vai que meme TF1 que son President diguèt que se sentiá breton e pas francés

presentèt ges de reportatge ? Son estats ben avisats ?
Autrament, quente chale de veire acampats tant de mond amb tant de vòlha e d'ausir clantir le lenga per tot caire sus lei labras dei vièlhs, dei joines e deis autrei. Avèm-ti enfin comprés que nos respectaràn se se respectam nautrei dins nòste biais de faire ? Ieu, dise que ne'n fau faire una autra de manifestacion, sensa esperar, en aprofichant dau vam. Lo sucès chama lo sucès e d'unei que son pas venguts chanjaràn bensai de vejaire, basta, aquest còp, de faire un pichòt esfòrç de dubertura. Pas besonh de ne'n dire mai... Ieu pantalhe totjorn d'una larja union de totei deis Aups ai Pirenèus sus d'objectius vitaus e d'acions ponctualas coma una novèla granda protèsta decisiva, au Clapàs per exèmple.
D'un ponch de vista personau, gardarai qu'un pichòt regret. Parlère amb fòrça amics e me congostère mai, talament la molonada èra gròssa que d'autrei, que saviáu que i èran amòr que me leis avián signalats, m'escapèron. Quau vos a pas dich pasmens que retrobère un parèlh d'amics dau club occitan de Marne-la-Vallée que leis aviáu pus vists dempuei sèt ans.