Reis glorios verais lvms e clartatz
Devs poderos Senher si a vos platz
Al mev companh siatz fizels aivda
Qv'ev non lo vi pos la nochs fo vengvda
E ades sera l'alba

Bel companho si dormetz o velhatz
Non dormatz plvs svav vos residatz
Qv'en orïent vei l'estela cregvda
C'adus lo iorn qv'ev l'ai ben conegvda
E ades sera l'alba

Bel companho en chantan vos apel
Non dormatz plvs qv'ev avg chantar l'avzel
Qve vai qveren lo iorn per lo boscatge
Et ai paor qve.l gilos vos asatge
E ades sera l'alba

Bel companho eisetz al fenestrel
Et esgardatz las ensenhas del cel
Conoiseretz si.vs svi fizels mesatge
Si non o faitz vostres n'er lo damnatge
E ades sera l'alba

Bel companho pos mi parti de vos
Ev non dormi ni.m moc de ginolhos
Ans pregvei Dev lo filh Santa Maria
Qve.vs mi rendes per leial companhia
E ades sera l'alba

Bel companho la foras als peiros
Me preiavatz qv'ev no fos dormilhos
Enans velhes tota noch tro al dia
Aras no.vs platz mos chans ni ma paria
E ades sera l'alba

Bel dovs companh tan svi en ric soiorn
Qv'ev no volgra mais fos alba ni iorn
Car la gensor qve anc nasqves de maire
Tenc et abras per qv'ev non prezi gaire
Lo fol gilos ni l'alba

Rèi glourious, verai lum e clarta,
Diéu pouderous, Segne se à vous plais,
À moun coumpan, sigués fidèlo ajudo
Que l'ai pus vist despièi que la nuech es vengudo.
E toutaro sara l'aubo.

Bèl coumpagnoun, que dourmés o vihés,
Dourmés plus. Siau revihas-vous
Qu'en óuriènt, vese l'estello creigudo
Qu'adus lou jour, que l'ai bèn couneigudo.
E toutaro sara l'aubo.

Bèl coumpagnoun, en cantant vous cride.
Dourmés plus qu'ause canta l'aucèu
Que cerco lou jour pèr lou bouscage
E ai pòu que lou jalous vous assaligue.
E toutaro sara l'aubo.

Bèl coumpagnoun, sourtès à la fenèstro
E regardas li signe dóu cèu.
Couneissirés se vous siéu fidèu messagié.
Se lou fasès pas, lou daumage sara vostre.
E toutaro sara l'aubo.

Bèl coumpagnoun, despièi que me desseparère de vous,
Ai rèn dourmi e noun mouguère d'a geinoun
avans d'agué prega Diéu, lou fiéu de Santo Marìo
que me rendeguèsse vous pèr leialo coumpagnié.
E toutaro sara l'aubo.

Bèl coumpagnoun, eila foro au peiroun,
Me pregavias que noun fuguèsse dourmihous
Mai que vihèsse touto la nue fin-qu'au jour.
Ara, noun vous plais moun cant ni moun amista.
E toutaro sara l'aubo.

Bèu dous coumpan, siéu en tant riche sejour
que voudriéu plus que i'aguèsse ni aubo ni jour
car la mai gènto que jamai neissiguè de maire,
la tène e l'embrasse. Es acò que prese gaire
ni lou fòu jalous ni l'aubo.