L'aprendissatge lausable de la lenga d'òc per l'escrich se capita insufisent se s'acompanha pas amb l'oralitat.
Adonc, èra de preissa de montar una estructura modèrna, a mand de sostar la memòria fins de la restituir ai generacions venentas.
Una lenga, vièlha de mila ans, dau passat istoric e literari prestigiós, pòu èstre condemnada a l'oblit e s'esvanir ?
Per amor que creson solide lo contrari, lo Felibritge, lo Movement Parlarem e lo CREO-Provença, amb lo sosten dau Municipi d’Ais de Provença, dau Conseu Regionau e dau Conseu Generau dei Bocas dau Ròse, decidiguèron de crear lo COL'OC.
Aquesta realizacion es l'illustracion deis iniciativas mandadas fins ara per aquelei movements amb una ment federarèla.
Lo COL'OC, respectuós de totei leis variantas, se vòu lo catalizador de totei lei demandas e mai lo liame entre leis divèrs actors de la cultura en Provença e en defòra.
Son estructura immobiliària (160 m2), mesa a sa disposicion per la Comuna, son endrech (lo Pargue Jordan as Ais de Provença) e la vòlha de sei partenaris, son lei garentidas de la reüssida dau Centre d'Oralitat dins la capitala istorica de Provença : Ais de Provença.