Me dison Patrick
Colombo. Nasquère en 1962 à Bone d'Argerio. Siéu divourcia e ai uno fiho.
Reste à Miramas de Crau e fasiéu, i'a gaire, lou fourmatour en
bastimen à l'AFPA d'Istre. Me siéu aprés la lengo d'esperiéu
tre qu'aguère 22 an de tèms. Sòci dóu Cèntre
d'Ouralita de la Lengo d'O de-z-Ais de Prouvènço di Vièi Pastourèu
de Miramas ounte i'a uno chourmo que jogon la
pastouralo Maurel e de Paratge
Mar Ròse Monts, siéu afouga pèr noste païs e, mai que
mai, l'aurés encapa, pèr sa lengo. M'agradon peréu la guitaro,
lou soutage, la bouvino, l'enfourmatico... N'ai moun coufle de
touto merço d'aculturacioun coumo, pèr eisèmple, lou nescige d'halloween.
Daverère uno licènci
en juliet de 2003 e rintrère à APRENE
en setembre pèr fin de trachi regènt de Calandreta.
Après la proumiero annado, siguère fourça de quita
lou mouvamen. Capitère lou councours especiau lengo "regiounalo"
de proufessour dis escolo bilengo en 2006. Ai fach un pantai : lou brave
mounde d'eici se destressounavon enfin pèr dire de noun au mesprés et
tourna afourti soun drech à la paraulo.
