La toco dóu Cèntre (Col'oc) es d'engimbra de mejan mouderne e eficace fins d'apara e d'espandi la lengo d'O.

Soun acioun s'articulo alentour de mant'ùni founcioun :

- Faire lou repertòri, lou catalogue, l'estùdi e lis archiéu di doucumen ourau e videò qu'eisistisson.

- Realisa de disque sarra audiò o doucumen audiovisuau testimòni e memòri de noste païs e de nosto lengo, que lis atour mage n'en soun li darrié loucutour naturau.

- Aquésti suport seguisson dos rego : l'uno linguistico e l'autro soucioulougico, istourico e etnoulougico.

- Utilisa li doucumen pèr aprefoundi, farga e meioura li metode d'ensignamen e de trasmessioun de la lengo d'O.

- Bouta à la dispousicioun d'un publi grandas li doucumen e óutis dóu Cèntre, valènt à dire la founoutèco, la videoutèco e la biblioutèco.

- Metre en service, proun lèu, un labouratòri de lengo que lou mounde lou poudran prouficha d'esperéli en liéuro utilisacioun.

- Lou COL'OC, mediatèco vertadiero, unico en Prouvènço, coumplèto l'ensèn di cèntre de doucumentacioun atuau que tènon pas comte de l'ouralita.